صحة حديد وعزم ما يلين .. أهل الحسا ما وصلوا لهذا بالصدفة وصلوا بالرز اللي يزرعونه على أرضهم!
يا كثر ما سمعنا عن العيش الحساوي وشلون إنه سيد السفرة وفي العزايم الكبيرة لكن الموضوع مو بس طعم ونكهة خنينة الموضوع أكبر من كذا بكثير.
الرز الحساوي فوائده خلّت العالم كله يلتفت له مو بس حنا… علشان كذا تعال اليوم معي نعرف أكثر عن ذا الرز اللي صار أغلى رز بالعالم واللي طالع من أرض الاحساء.
قبل الرز الحساوي فوائده: ايش تعرف عن العيش الحساوي؟
الرز الحساوي فوائده كثير وذا يجي من إن العيش الحساوي واللي كمان نقول عليه ذهب الحسا الأحمر وفخر مزارعنا هو نوع فريد من الرز يزرع في الأحساء وتحديدًا في المناطق اللي تتوفر فيها موية العيون والحرارة العالية لأن هالنبتة عنيدة وما تحب إلا جو الحسا القوي وتتغذى من تربتها الغنية.
لونه ..
لونه يميل للبني المحمر بسبب القشرة الخارجية الغنية بالمعادن والزيوت الطبيعية فهو رز كامل وغير مقشور بشكل جائر مثل الرز الأبيض وهذا السر في نكهته الخنينة وقيمته الغذائية الحييل عالية.
ليش هو أغلى رز في العالم؟
ما ينزرع في أي مكان ثاني بالعالم بنفس الجودة ومساحات مزارعه محدودة.
غير أنه يستهلك كميات مرة كبيرة من الموية ويحتاج عناية يدوية عالية وفترة نمو طويلة تحت شمس الصيف الحارة توصل لدرجة حرارة 50 مئوية وعادي عنده!
نجي للجزء الأهم…
أكثر من مجرد عيش.. الرز الحساوي فوائده اللي خلت العالم يلتفت له!
لو سألت أي شايب أو عيوز في الأحساء عن العيش الحساوي أول كلمة بيقولها لك: هذا يرم العظم… وذا الكلام ما جاء من فراغ لأن الرز الحساوي فوائده مرة كثيرة وطالعة من تربة الأحساء الغنية ومن أهم فوائده:
- هو الحل الطبيعي للي يشتكون من فقر الدم والأنيميا تراه يرفع الهيموجلوبين بالحيييل بفضل كمية الحديد اللي فيه.
- بفضل الألياف الكثيرة والكربوهيدرات المعقدة تبرز فوائده في إنه يُمتص ببطء فما يرفع نسبة سكر الدم فجأة مثل الأرز الأبيض العادي.
- أكدت دراسة علمية نشرتها كلية العلوم الزراعية والأغذية بجامعة الملك فيصل أن نسبة النشويات في الرز الحساوي أقل بـ 15 % من أنواع الرز الثانية.
- للرياضيين والشباب الرز الحساوي يعطيهم طاقة تدوم ساعات طويلة وعشان كذا هو الوجبة المفضلة في شتاء الحسا القارس.
- رغم إن الحبة تبيِّن قوية إلا إن الرز الحساوي فوائده تريح الجهاز الهضمي وتحسن حركة الأمعاء يعني تاكل وتشبع بدون ما تحس بالثقل أو الغمتة.
- يرمّ العظم.. هذي الكلمة اللي تربينا عليها وفعلاً هو يقوي بنية الجسم وبناء العضلات لأنه مليان بروتينات طبيعية.
- للي وجيههم شاحبة أو دايم يحسون بدوخة وتعب الرز الحساوي فوائده إنها تصفي اللون وتخليك تحس بنشاط وحيوية في كل حركة تسويها.
- اللقمة منه فيها بركة وتشبعك وفوق ذا تظل شبعان لساعات طويلة وما تحسين بالجوع السريع.
- في أيام الشتا والبرد القارس ما لك إلا العيش الحساوي فهو يعطي جسمك حرارة داخلية تدفيك وتخليك تقاوم البرد وأنت مرتاح.
وإذا كنت تعتقد إن السالفة وقفت هني.. فترى للحين ما خلصنا! ..
ليش يعتبر كنز للمرأة وكبار السن؟
في بيوت الحسا ما تمر مناسبة ولادة أو وعكة صحية لكبير سن إلا وهو موجود…
فأمهاتنا وجداتنا يعرفون قدر هذا العيش فدايم نشوف الرز الحساوي فوائده تتركز في وجبة النفاس لأنه يساعد على استعادة القوة وتنظيف الجسم وحتى لكبار السن يعتبر أسهل في الهضم وأغنى في القيمة الغذائية.
- للمرأة النفاس: ما فيه وجبة نفاس تخلى منه لأن يساعد المرأة في استرداد عافيتها بسرعة وتعوضها عن كل اللي فقدته وتحسن صحتها بعد تعب الولادة.
- لكبار السن: بفضل ليونته بعد الطبخ وسهولة هضمه هو الوجبة الأهم وكمان يقوي عظامهم وتعطيهم طاقة تدفي أبدانهم بدون ما تتعب معدتهم أو تسبب لهم غمتة.
كيف تحفظ العيش الحساوي وتضمن فوائده؟
عشان يظل العيش خنين ولا يسوس ولا يتغير طعمه وتستفيد من الرز الحساوي فوائده لأطول فترة ممكنة اتبع هالخطوات اللي تخلي رزّك دايم حصد السنة:
المكان الجاف والناشف:
العيش الحساوي يحب الهدوء والحرارة المعتدلة فاحفظيه في مكان بعيد عن الرطوبة وحرارة الفرن.
خيشة القماش أو علب محكمة:
أحسن شي تحفظ فيه الرز هو خيشة القماش عشان يتنفس أو علب بلاستيك قوية ومسكرة زين.
سر الملح الخشن:
حط شوي ملح خشن مع العيش وسط العلبة هذي حركة أمهاتنا عشان يحمون العيش من الحشرات والسوس ويحافظون عليه نظيف وصافي.
ممنوع التعرض للشمس:
الشمس القوية تكسر الحبة وتخلّي الزيوت الطبيعية تنحرق وبكذا يفقد الرز الحساوي فوائده وطعمه اللي يواجه.
أطباق تفتح النفس.. وش تقدر تسوي بالعيش الحساوي؟
عشان لا تمل وتنوع في سفرتك ترى الرز الحساوي له أكثر من طريقة طبخ وكل واحدة ألذ من الثانية:
- الكبسة الحساوية الأصلية مع لحم بلدي مثل غنم أو حتى الدجاج.
- مشخول الرز الحساوي مع حشو بصل وزبيب ولومي حساوي.
- سلقية الرز الحساوي مع الليمون.
- العيش الحساوي بالروبيان.
- الشوربة الحساوية الحمرة مع قطع لحم صغيرة.
- وإذا كنت تبي الطبخة الأساسية للعيش الحساوي اللي على أصولها ما عليك إلا إنك تتبع هالوصفة في طريقة طبخه لجل تطلع لك الحبة نثري وريحتها تخنّ بالرأس.
أسرار بسيطة عشان تستفيد من فوائد الرز الحساوي!
عشان تضمن إنك تحصل على الرز الحساوي فوائده كاملة انتبه لهالنقاط:
- النقع الطويل: العيش الحساوي يحب الماي انقعه زين قبل الطبخ عشان تطلع الفوائد وتلين الحبة.
- طبخ الهداوة: لا تستعجل عليه خلّه يطبخ على نار هادية لين يذوب في الفم وبكذا تضمن إن فوائده صارت جاهزة لامتصاص جسمك.
- الإضافات السنعة: إضافة السمن العداني واللحم البلدي تخلّي الرز الحساوي فوائده تضاعف وتصير الوجبة متكاملة.
وبكذا انت معك أطيب وأغلى رز بالعالم في صحنك.
الخاتمة:
في الأخير العيش الحساوي مو مجرد طبق نحطه على السفرة في المناسبات هو قصة صمود وتاريخ أرضنا الطيبة ولقمة تغذينا وتشد عزمنا… فإذا عرفت الرز الحساوي فوائده بتعرف ليش هو الذهب الأحمر اللي ما يتقدر بثمن.
لا تخلّي سفرتك تخلَى من هالطبق اطلب اليوم الرز الحساوي الأصلي من زاد الحسا.
أسئلة تدور ببالك عن العيش الحساوي:
هل الرز الحساوي صحي؟
نعم الأرز الحساوي صحي لأنه غني بالألياف ومنخفض الدهون ويحتوي على معادن مثل الحديد والمغنيسيوم كما يساعد في تنظيم مستويات السكر في الدم.
الفرق بين الرز الحساوي والعادي؟
الأرز الحساوي يعتبر مختلف عن الأرز العادي من حيث المصدر والطعم فالأرز الحساوي يُزرع في منطقة الأحساء ويتميز بحبات قصيرة ولزجة بينما الأرز العادي يُزرع في عدة مناطق ويميل طعمه ليكون محايد… بالإضافة إلى ذلك الأرز الحساوي يحتوي على ألياف ومعادن أكثر.
هل رز الحساوي يرفع السكر؟
الأرز الحساوي لا يرفع مستويات السكر في الدم بسرعة كبيرة لكن يجب تناوله باعتدال كجزء من نظام غذائي متوازن.